OuKFel

Eske w te konnen ke non w pote a se yon aktif oswa yon avantaj ou posede li ye? Anpil fwa moun pa bay non yo pote a gran vale epoutan si yo te konnen, yo tap travay di chak jou pou ogmante vale sou non yo. Se sa yo rele equite a. Si w pote non yon gran prezidan oswa yon moun ki vreman rich. Le w pase yon kote moun ba w respe tankou se fanmi moun sa ou ye menm le w pa anyen pou li. Akoz non ou pote a gen vale sou li, ou vinn jwi avantaj ke w pat menm redi pou li. Kisa m vle di pa la? Eske w konn tande granmoun lontan yo ap di, ke tout sa yo fe yo, se pa pou yo, men pou sa yo ki deye? Kisa w atann ak sa? Kijan l fe pou sa yo ki deye yo? Le paran w redi pou mete vale sou non w pote gen anpil avantaj ou gen pou jwi de li. Le w pase yon kote epi w di w se piti entel ou remake anpil pot ouvri pou ou. Se pa paske w te fe anyen pou sa men se avantaj vale paran w oswa fanmi w te prepare ke wap rekolte.

Eske w remake tou, sitou nan kilti nou le yo di ke non yon moun oswa yon fanmi sal? kisa ki souvan pase? Yon moun ka pedi anpil avantaj si l soti nan yon fanmi ak non ki sal oswa san vale. Genle wap mande kisa w fe wap peye, telman w santi ke non w pote a sanble gen kek giyon ladan l. Chak kote w pase, sanble ou jwen plis negatif ke pozitif defwa w konn pa menm reyalize ke se non w pote a kap kale w. Konsa tou si fanmi sa te fe yon bon bagay. Ou jwi anpil entere san efo ni redi.

Eske li bon pou nou kenbe non nou pwop e travay pou n met vale sou li oswa viv kouwe pa gen demen, epi jan l pase l pase?